මන්දාරම...

යාන්තමටත් වඩා චුට්ටක් අඳුරු උන අහස, වැහි බීරුම, සීතලට හමන මද සුලඟත් එක්ක එකතු වෙලා පුංචි වැහි පොද වලට වහින්නට ලබා දෙන ඉඩකඩයි මන්දාරම. ඒ වගේමයි මෙතුවක් කල් වහින්න පෙරුම් පුරපු මගේ සිතිවිලි වැස්සටත්, දෝරෙ ගලා යන්න ලැබෙන ඉඩකඩත් මන්දාරම. ඉතින් එන්න අපි තෙමෙමු.........

විභාගයට කලින් Cheak list එකක්

පෑන්, පැන්සල්, අඩිරූල
මකන කෑල්ල
Calculater එක.
Admission එක.
ID එක.

හ්ම්........
එතකොට

ගිරව
කඩ්ඩ

තව මොනවඩ අඩු?....
අයියෝ මතක් වෙන්නෙත් නෑනෙ.
හරි මතක් උනා,

දැනුම ?

අයියෝ කෝ මේක,
කොහෙ දැම්මද?
හරි කමක් නෑ
ඕක නැතුවට
A+ එකක් ගන්න පුලුවන් අනිත් හැමදෙයක්ම මා ලඟ තියෙනවනෙ,

ඇයි මං විතරක්????

රන්ඩු වෙන්නෙ අපි දෙන්නම,
බැන ගන්නෙ අපි දෙන්නම,
ගහගන්නෙ අපි දෙන්නම,
ඊට පස්සෙ
කතා නොකර ඉන්නෙත් අපි දෙන්නම
ඒත්
ඇයි හැමදාම
මම විතරක්
ඉස්සෙල්ලම
"SORRY"
කියන්න ඕන???????

පුංචි පාඩමක්

හිතට දැනෙන හැම දේම කියන්නම ඕන නෑ. එත් නොකියා ඉන්නත් බෑ නේද? ආදරය කරද්දි බොහොම පුංචි දේවල් හරිම සුන්දරයි.. මුලින්ම මේ එක කියවල ඉමුකො.

බන්ඩියට බඩගිනියිලු

ඔයාට කව්ද කීවෙ?

බන්ඩිය

පව් නේද?

ඔව් නේද? ඉතින් අපි මොකක්ද කරන්නෙ?

අපි එයාට සල්ලි කීයක් හරි දෙමු මොනවහරි කාල එන්න කියල

එහෙම බෑලු, එයාට තනියම යන්න බෑලු.

එහෙනම් ඔයා පාඩම් කරන්නකො, මම ගිහින් මොනවහරි අරන් දීල එන්නම්කො

යකෝ ඒක මගෙ බන්ඩියනෙ.

ආආ තොගෙ බන්ඩියද? එහෙනම් වරෙන් යන්න

මේ මාස ගානක් දිග Study Leave එකක එක දවසක Short Note එකක් ගහපු කොල කෑල්ලක පෙම්වතුන් යුවලක් ලියල තිබුන දෙබස් ටිකක්.

Try කරල බලන්න. සමහරවිට මේ ක්‍රමය ඔබටත් සොඳුරු අත්දැකීමක් වේවි.

අහගනිල්ලා

කෙසඟ සිරුරක් තියුණු දෙනෙතක්

සත්‍යයේ ලෝ දහම කියනා පිරිසක්

කන්දියල්ලා උන්ගෙ හඬටත්

දෙසවනින් නොව බුද්ධියෙන් එක වරක්

දෙසවනින් නොව හදවතින් තව වරක්

උන් නඟන ඒ සත්‍යයේ හඬ

රතු පාට කමිසයට කොටු කල

මෝඩ මිනිසුනි අහගනිල්ලා

දෙසවනින් නොව බුද්ධියෙන් එක වරක්

දෙසවනින් නොව හදවතින් තව වරක්

රුදුරු සරසවි නිම්නයක සිට

නොදුටු පරපුර වෙතට ඉගෙනුම

උරුම කරනට වෙර දරන හඬටත්

දෙසවනින් නොව බුද්ධියෙන් එක වරක්

දෙසවනින් නොව හදවතින් තව වරක්

(අ) නුවණැති පුරෝහිතයා

එකෝමත් එක රටක හිටපු රජතුමෙකුට රට තොට සංචාරය කරනකොට සිරිපතුලෙ මඩ ගෑවෙන එක ලොකු ප්‍රශ්ණයක් උනාලු. ඒත් ඉතින් සංචාරය නතර කරන්නත් බෑනෙ, රාජකාරිය දේවකාරියටත් වඩා උතුම්ලුනෙ. මේකට විසඳුමක් විදිහට රජතුමා යෝජනා කලාලු රටේ හැමතැනකම බුමුතුරුණු අතුරන්න. ඒත් නුවණැති පුරෝහිතය කිව්වලු රජතුමාගෙ කකුලෙ මඩ ගෑවෙන එකනෙ ප්‍රශ්නෙ, ඉතින් රජතුමාගෙ කකුල් වැහෙන දෙයක් හැදුවනම් හරිනෙ කියල. ඔය විදිහටලු සපත්තු ඇති උනේ.

ඒ අතීත කතාව,

ඒ කාලේ අපි නුවණැති පුරෝහිතයට අත්පුඩි තැළුවා.

ඒත් අද හිතෙනවා,

ඒ මෝඩ පුරෝහිතය එහෙම නොකීවනම්,

එදා වේල හොයා ගන්න මහන්සි වෙන දුප්පත් අහිංසක මිනිස්සුන්ගෙ කකුල් වලත් මඩ බිංදුවක් වත් නොගෑවෙන වර්තමානයක් අපිටත් උරුම වෙන්න ඉඩ තිබුන කියල.

පඹහින්නට පායන සඳ

මේ සබරය

සර්ව රෝග නිවාරණ කසාය

සතුට සිනහව
කඳුල විරහව
විඳීම විඳවීම
රාගය විරාගය
යන මේවා
පත අට එකට සිඳවා
ගත් කල
ඒ නම් ආදරයමයි....

Devise Found

ගෙන් : XX/MS/XXX (සම්පූර්ණ මෘදුකාංග හා දෘඩංග පද්ධතියකි)
වෙත : නාඳුනන පද්ධතිය

කිසිඳු අයුරක සාර්ථක සම්බන්දතාවයක් ගොඩ නඟා ගැනීමට නොහැකිව ඒ සඳහා සුදුසු පද්ධතියක් සොයමින් ( search කරමින් ) සිටි මට ඔබේ XX/MS/XXX දරණ පද්ධතිය හමු වූ බව මින් දැනුම් දෙමි.

නමුත් සබඳතාවය ගොඩ නඟා ගැනීමට පෙර ඔබට ගිනි තාප්පයක් ( Fire Wall ) මැදින් පැනීමට සහ Virus Guard එකක් යටතේ පරීක්ෂාවකට ලක් වීමට සිදු වනු ඇත.

ඉහත පරීක්ෂණ 2න් ඔබ සාර්ථක වුවහොත් මා සමග සාර්ථක සම්බන්දතාවයක් ආරම්භ කිරීමට ඔබට හැකි වනු ඇත.

සබඳතාවය ආරම්භයේදී 10 tb පමණ වන මාගේ ධාරිතාවයෙන් 2 tb ක ඉඩ ප්‍රමාණයක් ඔබ වෙනුවෙන් වෙන් කිරීමට බලාපොරොත්තු වන අතරම ඔබගේ ධාරිතාවයේ ද එවැනිම ඉඩක් බලාපොරොත්තු වෙමි.

සබඳතාවයේ සාර්ථකත්වය මත පදනම්ව මා සතුව ඇති ආදරය සහ කරුණාව නම් වූ මිලාධික මෘදුකාංග (Software ) පහසු ගෙවීමේ ක්‍රමයට ලබා ගැනීමේ හැකියාව ඔබට ලැබෙනු ඇත.

තවද ඔබේත් මගේත් දෘඩාංග ( Hardware) පොදුවේ භාවිතා කිරීමට ඔබ කැමති වනු ඇතැයි සිතමි.

සබඳතාවය ඉතා සාර්ථක උවහොත් යම් දිනක තවත් අප වැනිම පද්ධතියක් බිහි කිරීමටද අපට හැකි වනු ඇත.

සැලකිය යුතු ප්‍රධානම කරුණ වන්නේ සබඳතාවය ඕනෑම වේලාවක විසන්දි කිරීමට ( disconect කිරීමට ) ඔබට මෙන්ම මටද හැකියාවක් තිබෙන බවයි. ඒ වන විට යම් අලාභයක් ලබා ඇත්නම් එය තනිව විඳදරා ගැනීමට සිදු වනු ඇත.

ඉහත කොන්දේසි වලට යටත්ව සබඳතාවය ඇති කර ගැනීමට කැමති නම් කරුණාකර ඉල්ලීම පිලිගන්න (Accept the Request) . මුර පද ( Password ) යොදා නොමැත.

අදාළ නොවේ නම් නොසලකා හරින්න. ( Ignore All )

..................................................................................................................................................................

ප.ලි.

ඔබේත් මගේත් මෙම සබඳතාවය "ආදරය " ලෙස නම් කල යුතුයැයි මම යෝජනා කරමි.ඔබ එය පිලිගන්නේනම් ඔබ පෙම්වතිය ලෙසත් මා පෙම්වතා ලෙසත් මින් මතුවට හැඳින්විය හැකි වනු ඇත..

ඔබ.......

පාළුව කාන්සිය තනිකම,
මඳ අඳුර,
මන්දාරම .
මේ හැම දේම තියෙනවා.....
අඩු ඔයා විතරමයි.....

හ්ම්ම්ම්ම්ම්ම්...........

ඒකත් ඇත්ත,
ඔයා හිටිය නම්
කොයින්ද
පාළුව,තනිකම...............

කවි පදවැල් පබඳිමි කෙලෙසා..........

-->

සුවඳ පුයරු නොදැම්මාට

ඇහි බැම හැඩ නොකෙරුවාට

හද සොමි ගුණ මුව මඩලෙහි

කැටයම් වන අපූරුවට

ඔය රුව ගැන කවි පදවැල්

පබඳිමි කෙලෙසා..........

රුවැත්තියන් ගත දවටනු

පිනිස සේද සළුව වියන

සන්නාලි සොයුරියේ

හද සොමි ගුණ මුව මඩලෙහි

කැටයම් වන අපූරුවට

ඔය රුව ගැන කවි පදවැල්

පබඳිමි කෙලෙසා..........

සැඳෑ සාද රස කෙරුමට

දේ දල්ලෙන් රසය මවන

තේ දළු නෙලන ලියේ

හද සොමි ගුණ මුව මඩලෙහි

කැටයම් වන අපූරුවට

ඔය රුව ගැන කවි පදවැල්

පබඳිමි කෙලෙසා..........

මා ඉතින් යන්න යනවා......

නිරුදක කතරක
තනිව සරමින්
සේන්දු විනි කෙම්බිමක් වෙත,
සිහිල් පහස විඳ
තැබුවෙමි පිය මං සලකුනු,
දැන් ඉතින් කාලයයි
නික්ම යන්නට
මේ නවාතැනත් හැරදා.
සියලු දේ අතීතයටම
එකතු වී ඇත.
පසක් කරමින්
නිත්‍ය වන්නේ,
අනිත්‍යම පමණක් වග............

සුභ අලුත් අවුරුද්දක් වේවා!

කෝටි දෙකක මහ සෙනඟක්
මුලු රටක්
එකම මොහොතක
වැඩ නවත්තා,
එකම මොහොතක
කති බොති වැඩෙහි යෙදෙති.
මේ අරුමයම නොවෙද
සැබෑම
"සුබම සුබ අලුත් අවුරුද්ද"

අලුත් අවුරුද්දේ අර්ථය එකමුතුකමයි,
එක්වෙමු අලුත් අවුරුද්ද අරුත් ගන්වමු....

සුබම සුබ අලුත් අවුරුද්දක් වේවා!

මේ ඇත්තමයි....

යකුළු පහරකට විසුනු කල නොහෙනා
මහා මේරුවක් වන් හදවත
සියුම් හී තුඩින් ඇන
සසල කල හැක්කේ ඔබටමයි.

දෙනෝ දාහක් මහ සෙනඟ මැද
නිමේශයක පමාවෙන්
මා හුදෙකලා කල හැක්කේද ඔබටම පමනයි,

ඉතින් කොහොමද මම කියන්නෙ
නුඹ නැතිව මට පළු නෑ කියා
තත් කොහොමද මම නොකිය ඉන්නෙ
නුබ නොමැතිව මගෙ ජීවයක් නෑ කියා

නෑ නෑ නෑ වැරදුනා
මට පුළුවන් තනියම ඉන්න
මට පාළු නෑ
නෑ නෑ නෑමයි........